آه يآجـــده .,
 

ياضميري لا تردد واكتب ابيات الرثاء
دام باقي حي حي اللي لهم باقي ضمير
خاطب اللي يفهمون ويسمعون اهل النداء
من يشوفون ويحسون ولهم عقلن بصير
عام بعد العام واحنا نبني امال ورجاء
ما يصير الوضع هذا لا وربي ما يصير
آآآه يا جده نشوفك في عذاب وفي عناء
والايدين مكتفه والحبل للنجده قصير
تهطل الامطار رحمه بس في ارضك بلاء
تسبحين وتغرقين ووضعك الليله مرير
الشوارع سايحه ويزيدها وبل السماء
والمراكب مع اهلها شالها السيل الغزير
كم غريق ومات فجئه يوم داهمه القضاء
وكم بريء ومحتجز ويشوف قدامه نذير
وكم عجوزن بالمصيبه مالها غير الدعاء
ابنها طول عليها وعقلها قرب يطير
لي متى والحال يشكي من عذاب ومن شقاء
لي متى والناس تسال ياترى وشهو المصير
مابقى بالصبر صبر وبلغ السيل الزباء
والعقول النايمه ما عاد يلزمها الشخير
كل ظالم فوقه الله ربنا جل وعلا
حسبنا الله العظيم وحسبنا الله القدير
وكل خاين جعل ربي ما يذوقه الهناء
كل من خان الامانه فوقه الله الكبير
يا حكومتنا الرشيدة يوم نعلن لك وفاء
رددي الله اكبر وانصري الشعب الفقير
ويا ملكنا لك محبه في القلوب و لك ولاء
كل شعبك يرتجونك تنقذ الوضع الخطير


للشآآعر :سعيد الحربي
رآقت لي

دمتم بخير.....................................ــــا

مشكوووور ابو خالد على هذه الخاطرة

السلام عليكم ورحمة الله وباركاته / اللهم الطف بعبادك.

شكرااا اخوى الغالى / ابو خالد ... على هذه الخاطرة المعبرة التى جسد من خلالها
الشاهر هموم جده بعد ماحل بها من خراب من الامطار والسيول نسأل الله اللطف .