 |
فارس وبحار للصيد البحري
(http://www.faresand-behar.com/index.php)
- قسم الاطباق الرئيسية
(http://www.faresand-behar.com/forumdisplay.php?f=92)
- - طريقة عمل دجاج كنتاكى الاصليه مع الارز والسلطه والبطاطس
(http://www.faresand-behar.com/showthread.php?t=2444)
طريقة عمل دجاج كنتاكى الاصليه مع الارز والسلطه والبطاطس
النهاردة وقبل يوم الخميس اوفيت بوعدى ( يا احلى فارسات وبحارات) وعملتلكم فراخ كنتاكى ورز كنتاكى وكمان السلطة والبطاطس يالا مش هطول عليكم خير الكلام ما قل ودل اليكم الوصفة بالصور : اولا : دجاج كنتاكى المكونات:
اليكم الطريقة ; جهزى الفرخة والحقنة ومعجون الشطة معجون الشطة دة هتعملية ازاى اقولك تجيبى معلقة كبيرة شطة بودر حارة مع نص معلقة بابريكا وتحليها بشوية ماية . بعد كدة هتقطعى الفرخة 8 قطع وتشيلى الهيكل والكبد والقوانص للسلق علشان الرز يا حلوين. http://files2.fatakat.com/2010/10/1286993703.jpg بعد ما قطعنا نحقن قطع الفراخ بالشطة تجيبى الحقنة وتشيلى الابرة ترميها وتحقنى بين العظم واللحم ازاى هتجيبى اى طرف مدبب معلقة او سكينة وتعملى فتحة غويطة بين العظم واللحم وتدخلى الحقنة وتحقنىيها شطة اوك زى اللى ف الصورة دى بصى كدة. http://files2.fatakat.com/2010/10/1286994016.jpg وميمنعش تحقنى تحت الجلد بس شوية صغيرين ومش تنسى تحقنى الجناح كمان حلو اوى بصى اى مفصل يقابلك احقنية . بعد ما حقنا نعمل اية هه يالا نشوف . هنقطع فيلية صدور بالطول ونحطهم مع قطع الفراخ اللى احنا حقناها شطة علشان هنعمل منها فيلية كرسبى للرز وندخل شوية برضة جوة الرز هنبقى نشوف موضوع الرز دة. بس قطع الفيلية دى مش تحقنيها حاجة سبيها زى ما هي اوك .http://files2.fatakat.com/2010/10/1286994333.jpg هنحط اللبن الرايب . تيجى نشوف هنعمل اية بعد كدة يالا بينا. http://files2.fatakat.com/2010/10/1286994538.jpg اهم خطوة حبايبى هنغلفها ونحطها فى الثلاجة لمدة لا تقل عن اربع ساعات اوك. والخطوة اللى بعدها هى الاهم بصوا كدة. هنطلعها من اللبن الرايب ونصفيها اوك ونشوف اية هو الاهم. هنحضر التوابل دى يا حلوين
1 ملعقة صغيرة سكر. 1 ملعقة صغيرة خل ابيض. 2 ملعقة ثوم بودر. 1 ملعقة بصل بودر . 1 قطعة جنزبيل فريش مقشر. 1 ملعقة فلفل اسمر حب. 4 حبات قرنفل مسمار. 4 ورقات لورا وعود روز مارى . بعد كدة هنعمل اية بصوا معايا ; هنحط دة كلة فى الماية المتلجة وعلى التلاجة عدل لمدة اربع ساعات تانين مش تزهقوا المهم انكم تستمتعوا. بعد كدة اية اللى هيحصل هنطلع الفرخة من ماية التوابل ونصفيها بعد ما الفراخ اتشبعت بالتوابل اوك حلو كدة نيجى بقى على القرمشة واليكم السر الذى لم يعد سرا بعد الان اتفرجوا كدة. هنجيب الحاجات دى اللى هى اية بقى ;
م/ص ثوم بودر . م/ص جنزبيل بودر. م/ص فلفل اسمر مطحون. م/ص ملح. م/ص مشكلة من زعتر بودر على طرخون بودر على مردقوش بودر. ونحطهم على3 كوب كبير دقيق ابيض. وهنعمل خلطة اسمها تمبورة اكيد عارفينها بس هنا هتتعمل ازاى ماية متلجة اوى يستحسن يكون فيها تلج مع2 كوب دقيق ابيض. الطبق الاخير دة فية اية فية القرمشة اللى هتخلى الفراخ كنتاكى كنتاكى اوك ودى هنعملها ازاى اقول ولا لا خلاص هقول مش تزعلو هنجيب طبق فية دقيق ونشقشقة بشوية ماية متلجة وبعد كدة نفركة براحة بصوابعنا هتحسى انو قطع رقيقة كدة جوة الدقيق هتاخدى منة شوية وتحطيهم فى مصفاة وترجيها علشان تتخلصى من الدقيق الزيادة وترصيهم على ورقة والعملية دى بتتكرر كل شوية لانك بتحطى نقط ماية على دقيق كتير وتحطيهم فى المصفاة وهكذا بس معلومة مش تعملى كمية كبيرة من القرمشة وتسبيها ل على طول تحطى الفراخ فى الدقيق وبعد كدة سائل التمبور وبعدين القرمشةكلة ورا بعضة وبعدين فى الزيت مش تركنى حاجة والا كلة هيعجن تعالى شوفى الصور دى كدة فى الاول هوريكى القرمشة نيجى للقلى هنسخن الزيت على 160 درجة وهنقلى نص قلي والسرهنا انك تحطى الغطا لانة لما بيتعرض للهوا بيتلون من برة بس مش بيستوى من جوة والغطا عندى بيسمح بخروج البخار لان برضة لو البخار اتكتم بيحرق الحاجة هناخد الفراخ ونحطها فى التلاجة علشان ترتاح والمية اللى جوة اللحم تتوزع فى الانسجة تانى انا مش فاكرة ابنى قالى اية بالظبط بخصوص الحتة دى بس تتحط فى التلاجة مش اقل من ساعة او ممكن تسبيها فى التلاجة ووقت ما تحبى تقلى منها خدى منها واقلى بعد ما قعدت الوقت الكافى فى التلاجة نطلعها بقى علشان نقليها تانى علشان انا جعت يالا بينا ودى اول قطعة يام يام نيجى بقى حبايبى للرز اولا الشوربة : 2 معلقة ملح - معلقة فلفل اسمر حب - 3 بصلات مدبس فيهم قرنفل وورق لورا - معلقة حبهان فاكرين طبعا الجزء اللى هنعمل منة الشوربة اللى هو الرقبة والهيكل والكبد والقوانص اوك
معلقة بابريكا. 3 بصلات متوسطين الحجم مقطعين قطع صغيرة . 2 فص ثوم متوسط مقطع قطع صغيرة . ملعقة صغيرة ملح. 1/2 كيلو رز. 2 ملعقة زبدة. 2 ملعقة صلصة حمراء مدوبين فى شوية ماية. اليكم الطريقة نحمر قطع اللحم فى الزبدة ننشل قطع اللحم ونضع البصل لحد ما يدبل ونحط التوم اول ما ريحة التوم تظهر حطى قطع الفراخ تانى وقلبى وبعدين نحط الرز والتوابل ونقلب وبعدين نحط الصلصة وبعدين نحط الشوربة ونغطى ونسيبها على نار عالية لمدة دقيقتين ونهدى النار خالص لمدة 12 دقيقة يالا ناكل ريزو مع صوص باربكيو http://files2.fatakat.com/2010/10/1287002551.jpg نقول البطاطس شوفى هتروحى للست بتاعت الخضار وتقوليلها عايزة كيلو بطاطس بتاع القلى اوك تاخدى البطاطس تروحى على طول تقشريها وتغسليها وتنقعيها فى ماية ساقعة ومعلقة خل لمدة ساعة تصفى البطاطس وتنشفيها وتاخديها نص قلية وبعدين تفرزيها وتبقى تقلي منها وقت ما تحبى. نيجى لطريقة سلطة كول سلو http://files2.fatakat.com/2010/10/1287003129.jpg ربع كرنباية +2 جزر+2 ملعقة سكر+بولا ماية ساقعة+2 ملعقة مايونيز+رشة ملح+رشة فلفل اسود+ملعقة خل ابيض الطريقة ننقع الكرنب والجزر فى الماية والسكر لمدة لا تقل عن ساعة فى التلاجة نقطعهم قطع صغيرة ....ثم نخلط المايونيز والخل والملح والفلفل ويفضل ان تبقى الكول سلو فى الثلاجة حتى يتركز الطعم اكثر واكثر وبالهنا والشفا تعالو بقى نشوف بعض الصور الاكلة اية رايكم كنتاكى كنتاكى شوفوا كمان على فكرة الفراخ حلوة اوى ومستوية 100/100 ولما اكلنا انتو لما بتاكلو فى كنتاكى بتلاقو اللحمة مستوية لحد العظم حتى تلاقو العظم مايل للون البنى شوية ودة اللى حصل معانا بجد انا مش مصدقة ابنى هو اللى فكر فى الموضوع وعلمهولى وانا من ساعتها مش حافظة غير الوصفة دى وانا وسط زمايلى واحكيلهم عن الوصفة بنسبها ليا الله حقى هههههههههههههه محدش يفتن واخيرا |
رووووعــــة يا رغـــــدا
تسلم الايادى واحسنتى الاختيار بارك الله فيك وكل عام وانت بخير وسلمى على عمرو والاهل . |
اخجلتم تواضعنا يا عمو جربوها والف هنا وشفا على قلوبكم وعمرو بيسلم عليكوا ورمضان كريم علينا وعليكوا
|
يعطيك الف عافية يارغدا ,
الله يوفقك دنيا واخرهـ ,,, |
شكرااا لك على الطرح والشرح الرائع
بارك الله فيك وتسلم الايادى وسلمى على عمرو |
| الساعة الآن 09:26 AM. |
Powered by vBulletin® Version 3.8.8 Beta 3
Copyright ©2000 - 2026, Jelsoft Enterprises Ltd. Trans by
HêĽм √ 3.2 OPS BY: ! ωαнαм ! © 2011-2012